28 septembro - 1 oktobro 2023: Beneluksa Kongreso en Bouillon

La Beneluksa Kongreso estas ĉiujara evento kiun organizas laŭvice Flandra Esperanto-Ligo kaj Esperanto Valonio. Malgraŭ la nomo, temas do fakte pri belga kongreso. En 2023 ĝin organizis Esperanto Valonio.

• Arkiva retpaĝo kun komuna fotaro kaj listo de aliĝintoj
• Kongreslibro (PDF)
• Raporto en Espéranto en Marche (PDF, en paĝo 12)

3-6 marto 2022: PEKO en Tilff

La printempa Esperanto-renkontiĝo (PEKO) estas la ŝanco de la jaro lerni Esperanton kaj renkonti la Esperanto-komunumon de Belgio. Danke al la partopreno de multaj flandroj, valonoj, bruselanoj kaj eksterlandanoj, tiu ĉi renkontiĝo havas internacian etoson. Organizitaj de la Esperanto-Skoltoj, ili proponas aktivadojn por la tuta familio. Ĉi-jare, PEKO okazis en Tilff, apud Lieĝo. Eventa paĝo - fotoj

Vendredon la 4-an de marto, en ĉeesto de la skabeno pri kulturo, la Esperantistoj de Tilff prezentis broŝuron pri la regiono Esneux-Tilff. Vi povas mendi ĝin de Eric Nemes.

30 septembro - 3 oktobro 2021 Beneluksa Kongreso en Charleroi

Ni havis la ŝancon denove organizi la Beneluksan Esperanto-Kongreson. Ĝi okazis en Charleroi de ĵaŭdo la 30-an de septembro ĝis dimanĉo la 3-an de oktobro 2021. La programo aperis en la revuo Espéranto en Marche kaj ankoraŭ disponeblas en Eventa Servo. Jen eventa paĝo kun fotoj.

5-a de septembro 2021: Esperanta Valonia pikniko

La 5an de septembro okazis la unua « vespa » (Valonia Esperanto-asocio) pikniko. Dank’ al niaj afablaj gastigantoj, Jean Annet kaj lia edzino Isabelle, dudeko da esperantistoj festeme kunestadis en ilia bela ĝardeno. La ĉielo bluis kaj la frandinda bufedo abundis. Ĉeestis krom valonoj ankaŭ Kristin de la Belga Esperanto-Federacio (BEF) kaj Nicky, la prezidanto de la Flandra Esperanto-Ligo. Ni revidis ankaŭ kelkajn « malnovulojn ». La etoso estis tute plaĉa, bonhumoriga des pli ke dum tiuj longaj antaŭaj apartaj monatoj ni diversgrade travivis solecon. Do tiu kunesta posttagmezo varmigis ĉies koron. Plej multaj partoprenantoj venos al Charleroi, al la Beneluksa Kongreso fine de septembro. Estos plia okazo por denove renkonti konatulojn kaj novulojn ĉeeste.